ATUATASI KATIFA TU’UU FALETOESE BRYCE

Tulou ou paia, sā ma faigā Samoa, e le mafai ona agatonuina e se leo o le auauna faatauva’a.
Fa’atulou fo’i i si o’u itumalō pele o Si’umu, pa’ia ia Sa Asomua ma Aiga e Lua, Tuuu ma le Aiga Sa Tuuu, Falelua o Tulafale Manō ma Faoagali, Li’o o le Fofogaolealataua, Uta’ile’uo ma le Faletolu, tulou lava!
Pei ona silafia e si o tatou Itumalō, Uo ma Aiga, ua toe o se ana fa’ataunu’u le faigapalota. Ua ou tula’i e avea a’u o se Sui Tauvā i lalo o le vaega fa’aupufai a le Faatuatua i le Atua Samoa ua Tasi-F.A.S.T, auā se suiga lelei mo Samoa, ae maise le puipuia o tatou tofi mai Le Atua, ia aua ne’i faoa ma valetu’ulima, a ia fa’asaoina auā nai o tatou aiga, ae maise alo ma fanau I le lumanai.
O lo’u naunauta’iga ia avea a’u o se auauna e fa’aleoina le finagalo o le itumalō; e galue fa’amaoni; e sa’ili fesoasoani, ma fa’atino atina’e mo le manuia o tagata uma.
Fa’atofā malie, talu ai o vavao o le fa’ama’i Koviti, ua matou uia ai lenei auala sa’ili seleni, ma talosagaina ma le agaga fa’aaloalo sau fesoasoani i lenei taumafaiga ma tapenaga.
E fa’amoemoe i lou finagalo malamalama o le’a to mai ai lau pule ma lau lagolago. O le a lava le foa’i e te ma’au i ai, o le a tali sapaia fa’aatua-ele’ele lou a’ao mafola i le agaga fa’afetai, ma fa’aaogaina ma le tatau mo lenei faamoemoe.
Ia fa’amanuia tele atu Le Atua e tusa o lou agalelei

Fa’afetai, fa’afetai tele lava
Atuatasi Leiataualesā Katifa Tuuu Faleto’ese Bryce
Sui Tauva mo Si’umu
Vaega Fa’aupufai a le F.A.S.T